Konráð Olavsson hefur verið ráðinn til Norska félagsins Bækkelagets Sportsklubb en þar verður hann yfirmaður handboltamála samhliða því að þjálfa U20 lið félagsins. 

Konráð spilaði hátt í 200 landsleiki fyrir Ísland á ferli sínum sem leikmaður og hefur einnig mikla reynslu af meistaraflokksþjálfun bæði á Íslandi og í Noregi. Konráð hefur þjálfað hjá Stjörnunni, Aftureldingu, KR, KIF Kristiansand og Randesund svo að eitthvað sé nefnt.