Oscar gekk til liðs við Aftureldingu frá danska úrvalsdeildarfélaginu TMS Ringsted síðasta sumar en daninn skoraði 94 mörk og var með 54 stoðsendingar á síðasta tímabili. Oscar var einn af betri leikmönnum Aftureldingar undir lok síðasta árs en lenti í meiðslum og náði ekki að stimpla sig jafn vel inn og hann hafði gert eftir það.
"Stjórn handknattleiksdeildarinnar bindur miklar vonir við Oscar og hlakkar til að sjá hann halda áfram að bæta sig í rauðu treyjunni." kemur fram í tilkynningunni frá Mosfellingum.
