Valsmenn staðfestu í gær komu Ágústs Inga til félagsins en hann gengur til liðs við Val frá Aftureldingu. Ágúst Ingi skoraði 47 mörk og gerði 25 stoðsendingar í 21 leik með Mosfellingum á síðasta tímabili en hann getur leikið bæði stöðu miðjumanns og skyttu ásamt því að vera góður varnarmaður. 

”Ég er ánægður með að fá Ágúst til liðs við okkur. Hann mun koma vel inní hópinn okkar og nýtast í mörgum hlutverkum. Hann hefur góða reynslu úr deildinni og mikill liðsmaður. Það verður gaman að sjá hann í Valstreyjunni” er haft eftir Ágústi Jóhannssyni þjálfara vals í tilkynningunni.