Samkvæmt heimildum Harpixins er hornamaðurinn Arnar Freyr Ársælsson að íhuga að taka skónna af hillunni og hefur verið að æfa með FH á undirbúningstímabilinu. 

Arnar Freyr þekkir vel til í Kaplakrikanum en hann lék með FH á árunum 2016 - 2021. Hann hefur einnig leikið með Fram, KA og Stjörnunni hér á landi. Arnar Freyr var lykilmaður í öllum sínum liðum en hann hætti í handbolta fyrir 2-3 árum síðan. Arnar Freyr hefur eitthvað spriklað með ÍH sem er venslafélag FH frá því að hann hætti. 

Arnar Freyr þótti vera einn besti hornamaðurinn í deildinni ásamt því að vera frábær varnarmaður áður en að skórnir fóru á hilluna. Arnar hefur verið að gera það gott sem markaðsstjóri Nocco síðustu ár. 

Samkvæmt heimildum Harpixins er Arnar Freyr hugsaður til að auka breiddina en FH er að taka þátt í Evrópudeildinni í vetur.