Samkvæmt heimildum Harpixins þá verður Daníel Berg Grétarsson tilkynntur sem viðbót við þjálfarateymi Stjörnunnar á næsta tímabili. Daníel var aðstoðarþjálfari Stefáns Árnasonar hjá Aftureldingu ásamt því að þjálfa Hvíta Riddarann í Grill66 deildinni og 3. flokk Aftureldingar. Tandri Már Konráðsson og Sverrir Eyjólfsson voru kynntir sem nýtt þjálfarateymi hjá Stjörnunni eftir að Hrannar Guðmundsson lét af störfum hjá félaginu en ljóst er að Tandri verður spilandi þjálfari og má ætla að Daníel eigi að vera Sverri til halds og trausts ásamt því að taka að sér þjálfun í yngri flokkum félagsins en Daníel hefur gert góða hluti með yngri flokka Aftureldingar síðastliðin ár.